[东方报]歐冠：曼城搶口半場上盤有計[11-25]

刘羽墨爸爸

曼城領隊哥迪奧拿將迎來佢第100場「藍月亮」歐聯賽事，主場迎戰利華古遜。曼城上周聯賽不敵紐卡素，今場主場出擊，肯定急於反彈，撞正今場利華古遜有兩大主將停賽，定必打鐵趁熱，早段攻陷對手，半場讓球盤曼城讓半一，揀半場上盤。（Now 638周三凌晨4時直播）

利華古遜殘陣頂唔住
係人都知今場曼城會反彈，問題係主W只得1.1倍，究竟投注咩嘢好？哥帥100場歐聯梗係要贏得精彩啲，曼城歐聯主場23戰20勝3和，當中近3場都係半場領先，加上艾寧夏蘭特上場入波斷纜，今仗肯定搶口，唔使懷疑佢入波動力。

利華古遜炒咗坦哈格之後，近況步入正軌，先後大勝海登咸同禾夫斯堡，不過今場作客英格蘭，首先會冇咗呢兩場勝仗都有波入嘅中場莊拿斯荷夫曼，因為佢今夏接近遭球會放棄，所以歐聯名單冇報佢名。此外，另一中場安特列治同後防重心塔蘇巴雙雙停賽，不論前場牽制同後防部署都有極大影響，相信半場守唔住曼城，預料「藍月亮」一開波就狂攻，隨時唔止贏1粒，半場上盤玩得過。