[东方报]非國盃：塞內加爾搶攻大博殺[12-23]

江海客

非國盃D組首輪賽事，奪冠熱門之一嘅塞內加爾對博茲瓦納，塞內加爾係大眾熱門，前鋒線有頂級射手沙迪奧文尼坐鎮，無論實力、團隊默契同穩定性都係全組之冠，首輪對住博茲瓦納定必務求打開勝利之門，佢哋攻力強大，甚少悶場，近5場4次開3球或以上，預計今場入球唔會少，吼實2.5球入球大。（Now 638周二晚11時直播）

塞內加爾係前屆冠軍，今次點兵精銳盡出，沙迪奧文尼、伊斯美拿沙亞、尼高拉斯積遜、伊祖沙古爾、高列巴尼等主力悉數在陣，目標直指冠軍，分組賽第一擊肯定去盡。

喺剛結束嘅世界盃外圍賽非洲區B組以首名出線決賽周，塞內加爾10戰錄得7勝3和不敗成績，早前約戰肯尼亞拍跳，結果狂數對方8比0，之前世盃外亦有大炒毛里塔尼亞4蛋及贏南蘇丹5比0紀錄，可見佢哋風格係唔留手，見對方實力稍弱就盡情數胡，入得就入。

博茲瓦納未夠班頂唔住
博茲瓦納喺外圍賽力壓毛里塔尼亞及佛得角，僅以次名出線，同榜首埃及喺實力上有明顯差距，包括主場淨吞埃及4蛋。埃及同塞內加爾屬同級球隊，以此推斷，博茲瓦納面對塞內加爾只能捱打，出現大比數賽果不足為奇，睇好塞內加爾之餘，中位數2.5球入球大亦吼得過。