[东方报]友誼賽：列斯聯前鋒卡維特利雲[08-12]

华挚

今晚熱身賽兼「玫瑰打吡」，曼聯於愛爾蘭中立場惡鬥列斯聯。「紅魔」喺季前熱身賽磨合方面漸入佳境，新兵泰利文斯上仗首演更贏盡掌聲，不過列斯聯同樣弗爆，大家都唔想喺打吡失威，隨時穩打穩紮，3.5球入球細捧得過。（Now 640周四凌晨2時30分直播）

曼聯喺今夏已踢咗4場熱身賽，雖然首仗倒灶輸畀英冠仔域斯咸，幸好其後連挫洛辛堡及馬德里體育會，去到上仗面對歐聯盟主巴黎聖日耳門，早早失波之下，憑前鋒麥比奧莫建功扳平1比1。今夏從阿士東維拉加盟嘅中場泰利文斯後備落場，踢咗26分鐘21次傳送100%成功，而且好多都係向前傳波，有呢位比利時國腳控制節奏，大大減輕隊長般奴費南迪斯負擔，難怪漸入佳境。

列斯聯拍跳連勝咪睇小
另邊廂，列斯聯今夏簽入查福特、哈利威爾遜等新兵，之前「拍跳」接連擊敗新特蘭、利物浦同ＲＢ萊比錫，不容忽視。臨近新季開鑼，大家都唔想輸波打斷勢頭，更何況係打吡戰更加唔想輸畀死敵，睇番雙方近5次碰頭，全開3球或以下，預計今仗係少交收格局。