[东方报]世界盃：挪威大軍狂炸伊拉克[06-16]

沧州市迎宾小牛

「魔人布歐」降臨世盃
世盃I組賽事，被視為今屆「奇兵」嘅挪威將強攻伊拉克。挪威擁有當今最強中鋒之一、外號「魔人布歐」嘅艾寧夏蘭特，球隊進攻組合全面，外圍賽已經展現出頂尖火力，今場對住同組最弱嘅伊拉克，肯定會全力數胡，2.5球入球大屬信心之選。(Now 618及616周三早上6時直播)

挪威近年極速冒起，相隔28年再戰世盃決賽周，佢哋喺外圍賽表現摧枯拉朽，8戰全勝兼且攻入37球，平均每場入超過4球，而且挪威唔係單單「蝦弱旅」，兩戰意大利一樣大勝3比0同4比1，對住任何對手都唔會放棄主攻踢法。

進攻4人組瓣瓣有
王牌前鋒夏蘭特嘅入球能力唔使懷疑，佢嘅世盃「地標戰」全球矚目，馬田奧迪加特喺中場創造大量機會，仲有「扭波王」安東尼奧努沙同「空中霸王」阿歷山大索洛夫，呢個進攻4人組配合天衣無縫，挪威近6場賽事有4場總入球開3球或以上。

伊拉克喺艾萊特領軍下，穩守突擊戰術最耍家，決賽周前熱身賽曾經1比1打和西班牙，證明對住世界頂尖球隊都有力一戰，佢哋有艾文侯賽因、穆哈納阿里同阿里艾哈馬迪3大射手，趁挪威搶攻有機會偷雞入波，今場博入球大最划算。