[东方报]歐冠：高手博弈步步為營紅軍PSG半細博得過[03-11]

牛蹄

歐聯16強次回合焦點戰，利物浦挾首回合領先1比0優勢，返晏菲路球場迎戰巴黎聖日耳門（PSG）。「紅軍」上場作客巴黎全場捱打，但憑超強把握力一擊即中，今仗相信會繼續大踢穩守突擊戰術，PSG一時三刻難以搵到缺口，1.5球半場細值博。（Now 643及644周三凌晨4時直播）

利物浦擁有穆罕默德沙拿及路易斯迪亞斯等星級前鋒，火力確實強大，不過領隊施洛戰術多變，早前面對曼城以及16強首回合對PSG等硬仗，佢哋都選擇屯重兵喺中後場防守，兩仗分別贏2比0同1比0，證明球隊攻守皆宜。利物浦目前有1球喺手，今仗唔輸已經晉級，自然會踢得更加保守。