[东方报]國友賽：沙特唔識守大盤客恩物[06-09]

这可咋办呀

同大家研究一場世盃熱身賽，「特蘭加雄獅」塞內加爾喺美國中立場對「綠鷹」沙特阿拉伯。塞內加爾進攻火力十足，沙特實力有限，偏偏佢哋崇尚進攻，近4場全開3球或以上，係大盤客恩物，一於吼實2.5球入球大。（周三早上7時開賽）

塞內加爾三箭級數高
塞內加爾世盃I組對手有法國、挪威同伊拉克，今場同沙特阿拉伯拍跳主要係備戰對伊拉克場波，必須留意今屆世盃分組賽設有「最佳第3名」出線名額，對伊拉克隨時係出線關鍵，所以塞內加爾今場熱身賽態度絕對認真。

再睇塞內加爾進攻陣容，擁有沙迪奧文尼、伊斯美拿沙亞同尼高拉斯積遜3大射手，其中文尼呢幾年喺沙特搵食，熟悉對方踢法，由佢領導嘅前鋒線入波冇難度。

沙特喺世盃H組其中一隊對手係非洲球隊佛得角，所以今場對塞內加爾當係世盃預演，相信唔會揸流攤，不過佢哋今年3月對非洲勁旅埃及，曾經狂吞4蛋，加上近期頻頻開大，今場隨時又再出現大手交易。